PROTSEDURA

Qalqonsimon bez UTT tekshiruvi

Qalqonsimon bez ultratovush tekshiruvi bezning o'lchami, strukturasi, tugunchalari va atrof limfa tugunlarini baholash uchun bajariladi. Bo'yindagi shish, yutishda noqulaylik, gormonal o'zgarishlar (TTG, T3, T4 me'yordan chetlanishi), bo'qoq, tugunchalar yoki tireoidit shubhasida tayinlanadi. Diqqat: tugunchalar TIRADS shkalasi bo'yicha baholanadi, shubhali topilmalarda biopsiya tavsiya etiladi. Tekshiruv 10-15 daqiqa davom etadi, tayyorgarlik shart emas. Bemor chalqancha yotadi, bo'yin ostiga yostiqcha qo'yiladi. Nurlanish yo'q, homiladorlikda ham xavfsiz. Natija endokrinologga taqdim etiladi.