PROTSEDURA

Ginekologik UTT tekshiruvi (transvaginal)

Transvaginal ginekologik UTT bachadon, endometriy, tuxumdonlar va tos bo'shlig'ini eng yuqori aniqlikda ko'rsatadi. Hayz tsikli buzilishi, qorin pastki qismidagi og'riq, bepushtlik tekshiruvi, mioma, endometrioz, tuxumdon kistasi, polip yoki erta homiladorlikni aniqlash uchun tayinlanadi. Tekshiruv 10-15 daqiqa davom etadi. Tayyorgarlik: qovuq bo'sh bo'lishi kerak. Tsiklning 5-10 kunlari bachadon strukturasini, 12-14 kunlari ovulyatsiyani, 21-23 kunlari endometriy holatini baholashga eng maqbul. Bemor ginekologik kursida yotadi, maxsus datchikga bir martalik prezervativ kiydiriladi. Bokira qizlarga transvaginal o'rnida transabdominal usul qo'llaniladi. Natija ginekologga taqdim etiladi.