KASALLIK

Siydik yo'llari infeksiyasi (sistit)

Sistit — qovuq shilliq qavatining yallig'lanishi bo'lib, ko'pincha bakteriyalar (asosan E. coli) tufayli kelib chiqadi. Asosiy belgilari: tez-tez va og'riqli siyish, siyganda achishish va kuyish hissi, qovuq ustida og'riq, siydikning loyqalanishi yoki qonli bo'lishi, kuchli siyish istagi. Ba'zan tana harorati ko'tarilishi mumkin. Ayollarda anatomik xususiyatlar tufayli ko'proq uchraydi. Xavf omillari: kam suyuqlik ichish, jinsiy aloqa, gigiyena buzilishi, qandli diabet, homiladorlik. Tashxis siydik umumiy tahlili va siydik ekishi orqali qo'yiladi. Davo: shifokor tayinlagan antibiotik kursi, ko'p suyuqlik iste'mol qilish, isiqlik bilan davolash. O'z-o'zini davolash takrorlanishga va surunkali sistitga olib keladi.