KASALLIK

Pielonefrit

Pielonefrit — buyrak to'qimasi va jomi (lohanka)ning bakterial yallig'lanishi. Ko'pincha pastdan ko'tarilgan siydik yo'llari infeksiyasi natijasida rivojlanadi. Asosiy belgilari: bel sohasidagi (bir yoki ikki tomondan) kuchli og'riq, tana haroratining 38-40 °C ga ko'tarilishi, titroq, ko'ngil aynishi, qusish, umumiy holsizlik, tez va og'riqli siyish, siydikning loyqalanishi. Bolalarda va keksalarda alomatlar atipik bo'lishi mumkin. Xavf omillari: siydik toshlari, qovuq-buyrak refluksi, qandli diabet, homiladorlik, immunitet pasayishi. Tashxis qon va siydik tahlillari, buyrak ultratovushi, kerak bo'lsa KT orqali qo'yiladi. Davo statsionar sharoitida — kuchli antibiotiklar, infuziyalar, og'riq qoldiruvchilar. Davolanmasa surunkali pielonefrit yoki sepsisga olib kelishi mumkin.